- السلام عليكم
النهاردة أول مرة أشارك بالمنتدى وأول مساهمة ليا يارب تكون كوميدى وتضحككم
المكان : فصل الدراسة.. أثناء البريك
المشهد : الديسكات بوضع معين وكرسى مرفوع يقف عليه إبن خالى وبنمثل ونروق شوية
محمد : مشمر البنطلون للركب وواقف بيقول : هلموا جميعا لـ ..
أنا : بتتلجلج كده ليه يخرب بيتك هتودينا فى داهية
أحمد : خخخخخ
أنا : آآآه أعمل فيكو إيه
حرام عليكوا ،، واحد بيضحك زى أبو سفيان بالظبط والتانى مشمر البنطلون .. نازل الترعة .. حسبى الله ونعم الوكيل ، فيك وفيا وفيه وفى صحابنا 
إرحمنى ياض إنتـ
محمد : منفعل وحاسس إنه فى إنتخابات مجلس الشعب : فهيا بنا نشمر عن ساعدينا وننزل إلى العمل فلننطلق .. فلننطلق .. فلننطلق
على : بياكل سنداويتش بيض وبيقول : إنطلق ياخويا حد قال لك لأ؟؟
أنا : لغ ياخويا لغ.... وبعدين هيشمر عن ساعديه كمان ؟؟ مش كفاية ركبه ؟؟
محمد : فى حالة إنفعاله: بت يا مريم !! سيبى الواد فى حاله ،، خليه يخف عنى شوية دا واد رخـ..ـم رخــم آآآآآآآه
محمد وقع من فوق الكرسى أحسن 
على : ومن أعمالكم سلط عليكم .. أحسن .. أحسن
أحمد : وكالعادة فى الحالات اللى زى دى ،، يجرى على برة وأى مدرس يشوفه : يا أستاذ ..يا أستاذ محمد كان بيذاكر على الكرسى وهادى خالث ومطيع مريم زقته وقعته فى الأرض وبتضحك وبتقول أحسن أحسن والواد واقع فى الأرض يا أستاذ
أخويا راح ضحية حيوان مفترس إسمه مريم .. إنقلوها يا بيه .. قصدى يا أستاذ
آآآحبيبى آخويا أنا عايز تاره .. عايز تاره
أنا : واقفة ورا الباب وهموت وأعرف الواد ده شغال جاسوس لأنهى دولة بالظبط عشان أروح أحسدهم
أحمد : داخل وعلامات الإنتصار باينة على وشه وفرحان و شمتان فى نفس الوقت
أنا : مسكته من أفااه .. خد ياض .. إنت مش هتبطل ؟؟ مش هتبطل يعنى ؟؟ أعمل فيك إيه ؟ دا اللى بيجيلى من وراك إنت وأخوك ..وأختك ربنا ياخدكو يا رب يا رب آآآآآآه .. إمشى ياض ..إدخل يا حيوان بدل ما أكسر رجلك
أحمد : ماشى ماشى .. طب هقول لأحمد أخوكى على موضوع الـ ......
أنا :
إيه يا أحمد يا بابا كده برضو تعمل فيا أنا كده ؟؟ لأ لأ .. مافتكرش .. أحمد إبن خالى قلبه طيـ..يــب
أثناء ذلك : الأستاذ : أكيد الوقت كان كافى إن محمد يقوم ويعيط شوية وبعدين يسكت فى الأخر المهم المستر دخل وكل شئ تمام ومحمد بيضحك وزى الفل ،، المستر ينظر لأحمد نظرات غـــل
أحمد
آآآه آآه خلاص يا مستر خلاص آآآه آآآآه
والله تستاهل
هههههههههه
وأنا طبعا بمنتهى البرائة :
خلاص يا مستر خلاص مش هيعمل كده تانى 
يوميات مريم وأحمد ومحمد وعلى
مريم- المساهمات : 1
تاريخ التسجيل : 05/11/2009